نبضإشعارات الشراء الحقيقية لمتاجر سلة
سياسة الخصوصية
آخر تحديث: أكتوبر 2026
وش نستلم من سلة
لما يجي طلب جديد، سلة ترسل لنا تفاصيل الطلب عن طريق الويب هوك. من هالتفاصيل نحفظ بس: الاسم الأول للعميل، وجنسه (عشان نكتب "اشترى" أو "اشترت")، ومدينته، واسم المنتج وصورته ورابطه، ورقم الطلب.
وش ما نحفظه أبدًا
اسم العائلة، ورقم الجوال، والإيميل، والعنوان، وتفاصيل الدفع. هذي ما تنحفظ عندنا ولا تنعرض في أي مكان.
وش يشوفه زوار المتجر
التاجر يختار: الاسم الأول والمدينة، أو "عميل من المدينة"، أو "عميل" بدون أي تفاصيل.
عداد المشاهدين
المتصفح يرسل رقم عشوائي ما يرتبط بهوية الزائر، يتحفظ في جلسة التصفح بس، ويتمسح من ذاكرة السيرفر بعد أقل من دقيقة.
مدة الحفظ والحذف
المشتريات تنحذف تلقائيًا بعد 30 يوم. ولما يحذف التاجر التطبيق، تنحذف كل بيانات متجره فورًا.
الأمان
كل طلب يجي من سلة نتحقق من توقيعه قبل ما نقبله، وتوكنات المتجر تتخزن مشفرة.